Li ser bangewaziya Serokê Herêma Kurdistanê Mesûd Barzanî şandeke her du Encûmenên Kurd li Sûriyê duhî, gihişte Hewlêrê û biryar e bi Serokê Herêmê re bicivin.

Berpirsê Partiya Demokrat a Kurd li Sûriyê Omer Sûrî ji AKnewsê re ragihand, "Şandeyek ji her du Encûmenan, Encûmena Gel a Rojavayê Kurdistanê (EGRK) û Encûmena Niştimanî a Kurd li Sûriyê (ENKS) li ser bangewaziya Serokê Herêma Kurdistanê Mesûd Barzanî duhî, gihişte Hewlêrê."

Sûrî got, "Şande pêk tê ji 5 endamên EGRK û 5 ji ENKS û biryar e bi Serokê Herêmê re bicivin."

Li gor agahiyên gihiştin AKnewsê biryar e, îro Serokê Encûmena Niştimanî a Sûrî Ebdilbasit Seyda bigihe Kurdistanê û bi Serokê Herêma Kurdistanê Mesûd Barzanî bicive û herwiha bi şandeya her du encûmenên kurdî re.

AKnews