Li demeke ku li Rojhilata Navîn guhartinên girîng ji bo gelê Kurd dibin, li bakurê Kurdistanê jî şer di navbera dewleta Tirk û gerîlayên PKK'ê de dijwar bûye. Hikûmeta AKP'ê û Serokwezîrê Tirkiyê Erdogan ku rojeva xwe ya sereke kirine rewşa Sûriyê, pêşketinên li Rojavayê Kurdistanê (Sûriyê)
28 Tîrmeh 2012 Şemî 09:26

dibin û gefxwarina li dijî gelê Kurd, dixwaze rastiya xwe ya hundir bincil bike û raya giştî ya Tirkiyê bi derve mijûl bike. Lê êrîş û çalakiyên gerîlayên PKK'ê û çalakiyên ciwanan rojevê neçar dike çapemeniya Tirkiyê wan bîne ziman. HPG'ê ji aliyê xwe ve ragihand ku ev çend rojin navçeya Şemzînan di bin kontrola gêrîla de ye û artêşa Tirkiyê bi tank, top, balefir û bi hejmarek zêde leşker li dijî gerîla şer dike û şer dijwar e.

Ji aliyekî din ve, duhî gêrîlayên PKK'ê êrîşî qeraqoleke Dêrsimê kirin, paşê opersyona artêşa Tirk destpêkir û pevçûn berdewamkirin. Çapemeniya Tirkiyê aşkerekir ku ji encama guleyên gerîla helîkoptereke leşkerî derbe xwarine û leşkerên tê de birîndar bûne.

Li Amedê jî nêzîkî 200 ciwanên Kurd li kolana Sento ya navçeya Rezan a Amedê bi bombeyên deng û fîşekên hewayî êrîşî Baregeha Jetê ya fermandariya hêzên hewayî pêk anîn.

Avestakurd