Hate ragihandin ku helîkoptera leşkerî ya kargo ya ku diçû Qereqola Geliyê Mergezerê ya di navbera Sîneva û Weregos de li gorî çavkaniyên herêmê ji aliyê gerîlayan ve hate xistin. Di encama ketina helîkopterê de 4 leşker mirin û 8 leşker jî birîndar bûn.

Hate ragihandin ku helîkoptera leşkerî ya kargo ya ku diçû Qereqola Geliyê Mergezerê ya di navbera Sîneva û Weregos de li gorî çavkaniyên herêmê ji aliyê gerîlayan ve hate xistin. Têkildarî bûyerê de artêşa Tirk daxuyaniya çapemeniyê da û diyar kir ku di bûyerê de 4 leşker mirin û 8 leşker jî birîndar bûn.

Di daxuyaniya artêşa Tirk de de wiha hate gotin: "Di 22'yê tîrmeha 2012'yan de saet di derdorê 16.55'an de helîkoptera ji 4 muretabat û tîma ewlehiyê ya ji 11 kesan pêk tê ji Geverê rabû û li Girê Deryan ê ku 12 km nêzî Orema ket û li gorî agahiyên pêşî qeza ji ber hêz winda kir ket."

Leşkerên birîndar li Nexweşxaneya Dewletê ya Geverê û Nexweşxaneya Leşker a Colemêrgê tên dermankirin û li herêmê tevgera hewayî berdewam dike. Hate zanîn ku herêmên Weregoz, Mergezer û Dostkî û Çiyayê Zagros tên bombebarankirin. Hate angaştin ku enqaz helîkopterê hêj nehatiye rakirin û gelek ambulans ber bi herêm ve çûn.

Valiyê Colemêrgê Orhan Alîmoglu jî di daxuyaniya xwe de îdîa kir ku helîkopter ji ber erizeyeke teknîkî ket.

ANF