Gelê Kurd li rojavayê Kurdistanê kêlî bi kêlî ber bi azadiyê ve diçe û bajarên xwe ji destê rejîma Baasê dertêxin. Amûdê jî rizgarbûna xwe îlan kir.

Îro li seranserî rojavayê Kurdistanê ‘Meşa ber bi azadiyê ve’ hat lidarxistin. Kurdan piştî ku duh bajarê Kobanê rizgarkirin, îro jî Efrîn, Cindirês û Amûdê ji destê hêzên rejîmê derxistin. Sazî û dezgehên fermî ketine destê Yekîtiya Parastina Gel (YPG).

Serokê Partiya Wifaqa Kurd li Sûriyê Fewzî Şengal di daxuyaniyekê de ji Rûdawê re diyar kir ku 5 bajar ketine destê Kurdan û got: “Bajarên wekî Efrîn, Amûda, Tirbesipî, Cindirês û Kobanê ketine destê Kurdan.” Şengal diyar kir ku bajarê Dêrikê jî ber bi rizgarbûnê ve diçe û wê di çend demjimêrên bê de ew jî rizgarbûna xwe îlan bike.

Rudaw