Peyvdarê lîsteya Hevpeyamniya Kurdistanê di Parlamentoya Iraqê de ragihand ku birêvebirina dosyaya petrolê li Iraqê ji bal Cîgirê Serokwezîrê Iraqê bo karûbarên enerjiyê Hisên Şehristanî aloziyan navbera Bexda û parêzgehan çê dike.

Muayed Teyib ji AKnewsê re daxuyand, “Şehristanî rijde li ser birêvebirina dosyaya petrolê bi rêya siyaseta kontrolkirina wê ji bakur heta başûrê welat û ev siyaset neserkeftî bû û serkeftî jî nabe, baştir e ji hev têgehiştin navbera Bexda û Hewlêrê hebe ji bo çareserkirina pirsgirêkan.”

Teyib ronî kir ku hewlên Şehristanî ji bo birêvebirina karûbarên petrolê bi awayekî navendî dê di paşerojê de nakokiyan navbera parêzgehan û hikûmeta federal çê bike.

AKnews