Duh pênçşem birêz Mesûd Barzanî Serokê Herêma Kurdistanê pêşwaziya Stevin Bîkirost helsurênerê Balyozxaneya Emerîka li Iraq û Aleksander Laskarîs Konsolê wî welatî li Herêma Kurdistanê kir ku ji bo dawî hatina erkê xwe yê Konsolê Emerîka li Herêm serdan kiribû.

Li hevdîtinê de Serok Barzanî ji bilî pîrozbahî kirina li Serok Obama û Joseph Biden Cîgirê Serok û tevahiya gelê Emerîka ya ji bo roja serbixweyiya Emerîka, her du alî behsa paşaroja pêwendiyan û pêşxistina pêwendiya di navbera her du aliyan kir û bi têr û tije jî derbarê tengasiyên siyasiyê Iraqê guftûgo kirin û tekez li wê yekê kirin ku ji bo çareseriya wan tengasiyan rêya yasayî û destûrî û bi cîhkirina peymanan li ber xwe bigrin.

Serok Barzanî behsa wê rola Aleksender Laskarîsî kir ku li dema karkirina xwe ya li Herêma Kurdistanê kariye xizmeta berjewendiyên her du aliyan bike, û hêviya serkeftinê ji bo erkê wî yê nû de xwest.

Her wiha li vê hevdîtinê de her du alî guftûgoyê di derbarê pêvajoya navçeyê û bandora wê ya li ser Iraqê kirin.