Duhî roja çarşemiyê 04.07.2012ê, li bajarê Duhokê, Nêçîrvan Barzanî serokê hikûmeta herêma Kurdistan, bi amadebûna cîgirê xwe Îmad Ehmed, digel serokatî û civata zanîngeha Duhokê civiyan.

Di civînê de serok û endamên civata unîversîteya Duhokê behsa rewşa zanêgehê bi giştî û pêdawîstî û kêmûkasiyên zanîngeha Duhokê ji serokê hikûmetê re diyar kirin û ji bona çareserkirina kêmatiyên zanîngeha Duhokê beşdarên civînê çend pêşniyar pêşkeşî serokê hikûmeta herêma Kurdistanê kirin.

Di civînê de, serokê hikûmetê axavtinek kir û di axavtina xwe de, behsa pêşkeftinên berdewam yên zanîngeha Duhokê kir û got ku, berdewam pêşkeftin û guhertinên nû li zanîngeha Duhokê çê dibin.

Barzanî got ku zanîngeha Duhokê di destpêkeke gelek sade dest pê kir û nuha gihiştiye qonaxeke pêşkeftî ku yek ji zanîngehên başên herêma Kurdistanê û Îraqê tê naskirin.

Serokê hikûmetê got:

- Hikûmet dê bi cidî li ser pirsa kalîteya xandinê û sîstema perwerde û xandina bala lêkolînan dbike û hikûmet ji bona bilindkirina sewyeya xandinê û ragirtina balansê di navbera pêdawîstiyên herêma Kurdistanê û warên xwendinê dixebite.

Serokê hikûmetê tekîd li ser wê yekê kir ku zêdetir giringî bi warên xwandina teknîkî û meslekî bêdan ku di gelek warên jiyanê de pêwîstî pê heye.

Nêçîrvan Barzanî di civîna digel serokatî û civata unîversîçteya Duhokê de, daxwaz ji zanîngehê kir ku, li ser warê lkolînên zanist, amar û pilandananê kar bike û zêdetir giringiyê bi wan waran bie:
- Ji ber ku van her sê waran roleke mezin di pirosesa pêşkeftina hemû welatan de heye, ew ji bo herêma Kurdistanê jî gelek pêwîst in. Avadankirin û ber bi pşvebirina welêt bi tenê ne wezîfeya hikûmetê ye, lê divê zanîngeh jî hevkar bin û rola xwe bilîzin.