Parlamenterekî Lîsteya Iraqiye ragihand ku biryar e, îro komîteyên berirsyar ji lêpirsîna Serokwezîrê Iraqê Nûrî Malikî bi beşdariya nûnerên Hevpeymaniya Kurdistanê (HK), Iraqiye û Baska Sedir bicivin.

Telal Hisên Zewbaî ji AKnewsê re daxuyand ku her sê aliyên siyasî rijdin li ser vekişandina baweriyê ji Malikî û karên wan di vê çarçoveyê de berdewam in.

Zewbaî aşkere kir ku îro kmîteyên hevpar ên navbera HKê, Sedir û Iraqiye bi mebesta diyarkirina mîkanîzma yasayî û destûrî ya taybet bi lêpirsîna Malikî dê bicivin.

HKê, Sedir û Iraqiye 3 komîte (hikûmî, parlamento û yasayî) ava kirine ji bo daiyrkirina mîkanîzma lêpirsîna Malikî li nav Parlamentoya Iraqê.

AKnews