Lîsteya Iraqiye aşkere kir ku ew ê tedbîran derheqê parlamenterên xwe bistîne ku li ser daxwaza vekişandina baweriyê ji Serokwezîr Nûrî Malikî îmze nekirine.

Serkirdeyê di Iraqiye de Telal Zûbaî ji AKnewsê re daxuyand, “Parlamenterên Iraqiye ku li ser wê daxwazê îmza nekirine gelek kêm in û dê çend tedbîr derheqê wan bêne standin.”

Zûbaî got jî, “Parlamenterên ku îmza nekirine alîgiriya projeya gendeliyê û leşkerkirina bajaran dikin, lewra helwesta Iraqiye derbarê wan dê hebe.”

Çend parlamenterên Lîsteya Iraqiye yên erebên Kerkûkê û çend parlamenterên li parêzgehên Diyale û Selahedîn li ser daxwaza vekişandina baweriyê ji Malikî îmze nekirin.

AKnews