Hêza Parstina Gel (HPG) balê çekdarîyê Partîya karkirên Kurdistanê ragiahnd, ku hêzên çekdarên wan helîkoptereke serbazî ya artêşa Turkiyeyê li devera Gom Gom xistine xwarê.


Navenda şapemenî û ragihandina HPG di ragihanekê de ragihandiye, ku ´´gerîlayên HPG li nawçeya Gom Gom a ser bi parêzgeha Mûşê helîkoptereke serbazî ya ji curê Skorskî xistine xwarê.´´

Li gor ragihana hêza parastina gel, supayê Turkiyeyê li gundên Leylek, Rekasa, Tanzîk ên ser bi nawçeya Gom Gom dest bi opersiyonekê kiribûn û li wir gerîlayên ser bi wan zerbe li helîkoptereke curê Skorskî didin û helîkopter piştî ku agir berdibê, diteqe û dikeve xwarê.

HPG weha jî ragihandiye, ku ´´ piştî ewê çalakîyê, helîkopterên artêşa Turkiyeyê yên curê Kobra bi awayekî berfireh û xurt deverê bombebaran dikin.´´

Balêçekdarîya PKK herwisa daye xuyakirin, ku di berdewamîya şerê navbera hêzên artêşa Turkiyeyê û çekdarên wan de, 3 gerîlayên wan gîyanê xwe ji dest didin.

HPG weha jî dabu xuyakirin, ku doh şev li devera Korhan a ser bi parêzgeha Agrî, hêzên wan di kemînekê de 10 kes girtine ku goman dihê kirin alîkarîya hukûemeta Turkiyeyê kiribin.

Di ewê maweyê de şer û pevçûnên navbera artêşa Turkiyyeê û hêzên PKK dijwartir bûne ku di encam de bi dehan kes ji her du alîyan be hatine kujtin û yan jî birîndarkirin.