Balyozxaneya Serbia li Bexdayê aşkere kir ku karên vekirina konsulxaneya wê li bajarê Hewlêrê bi dawî hatine û avahiya wê hatiye diyarkirin û di çend mehên bê de dê were vekirin.

Balyozê Serbia li Iraqê Radisav Petrovaj ji AKnewsê re daxuyand ku danûstanên navbera balyozxaneya wan û hikûmeta Herêma Kurdistanê derbarê vekirina konsulxaneya Serbia li Hewlêrê bi dawî hatine.

Petrovaj ronî kir ku Iraq û Serbia razîbûna xwe li ser vekirina wê konsulxaneyê li Hewlêrê nîşan dane.

Petrovaj bal kişand ku Balyozaneya wan hemû belgeyên vekirina konsulxaneyê amade kirine û dê bo Wezareta Derve ya Iraqê bên şandin.

AKnews