Îro Serokê Kurdistanê birêz Mesûd Barzanî bi minasebeta salvegera damezrandina komeleya Xwendekarên Kurdistanê peyameke pîrozbayî pêşkêş kir ku, ev jî tekesta vê ye;

Bi navê xwedê mezin û dilovan

Birayên birêz Sekreter û Endamên Sekretariyeta Komeleya Xwendekarên Kurdistanê

Silaveke gerim pêşkêşî we dikim û bi minasebeta 36mîn salvegera damezrandina komeleya têkoşer ya we pîrozbayiyên xwe pêşkêşî tevahiya we û xweşik û birayên endam di nava vê komeleya han de dikim.

Hêvî dikim ev minasebeta han bibe hander û teşwîqkerek bo domandina karwana xebata we û xizmet kirina bi çîna Xwendekaran ku, di nava bizava rizgarîxwaz ya Gelê me de xwedan roleke gelek girîng bûye û îro jî bi rêya yekîtiya xwendekaran ve xebata xwe didomînin daku, mafên xwenî pîşeyî û demokratîk bi dest bixe û di pêşerojê de bibe faktereke sereke bo bilind kirina asta perwerdehiya Kurdistanê.

Careke din pîrozbayiyên xwe pêşkêşî we dikim û piştgîriya xwe jî bo we diyar dikim, her şad û serfiraz bin.

Serokê Kurdistanê

Mesûd Barzanî

25.4.2012