în 20/04/2012 û li dawiya serdana xwe ya Tirkiyê de, birêz Mesûd Barzanî Serokê Herêma Kurdistanê li civîneke rojnamevanî da li gel medyaya Tirkiye tîşk xiste li ser çendîn mijar û aliyan ku pêwendiya wan bi pêvajoya Iraq û wê siyaseta li Bexda birêve diçe de hebû û hewlên cenabê wî ji bo guherîna wê siyasetê, bi navê wê yekê ku siyasetek dihête peyrew kirin li berjewendiya xelkê Iraq û damezrandina dewletekî demokrat û federal da bê.

Serok Barzanî li civîna rojnamevaniyê da tîşk xiste li ser pêwendiyên di navbera Herêma Kurdistan û Komara Tirkiye, li gel balkişandina li ser pirsa PKK.

Li mijareke dinê de Serok Barzanî behsa helwesta Emerîkayê ya beramber bi rewşa niha ya Iraqê kir û li dawiyê de cenabê wî bersîva komek pirsiyaran da ku pêwîstbûn bi pêvajoya Sûriye û pajaroja Sûriye û paşaroja gelê Kurd li Sûriye.

Serokê Herêma Kurdistanê her wiha bi eşkere behsa serdana xwe ya serkeftiya Tirkiye kir û gelek xalên civînê li gel rêzdar Abdullah Gul Serok Komar û her yek ji rêzdaran Receb Tayyib Erdogan Serok Wezîr û Ahmed Davudoglu Wezîrê Derve ji bo rojnamevanan xiste rû.

Hêjayî gotinêye piştî civîna rojnamevaniyê serdana birêz Mesûd Barzanî Serokê Herêma Kurdistanê û şanda li gel ya Komara Tirkiye bi dawî hat.