Lîsteya Îraqiye ya ku, Dr, Eyad Elawî Serokatiya vê dike, di ragihandinekî de gefên hin aliyên Ereb yên bo der kirina welatiyên Kurd li Deverên Erebnişîn bi gefên nezok û metirsîdar wesif dike.

Di beşeke din ya vê ragihandina hatiye ku, armanca wan kesan eve ku, Îraqa fedral hiweşînin û Îraq ber bi pergaleke şoven ve bibin.

Lîsteya nav hatî di berdewamiya ragihandina xwe de diyar kiriye ku, Kurd çi niha û çî jî beriya sala 2003an hevîna aramî û ewlekarî û yekparçebûna Îraqê bûye.

Lîsteya Îraqiye bi awayekî raste rast berpirsiyartiya wan gef û tehdîdan jî xistiye ser stuya Hikûmet û dezgehên ewlekarî yên Îraqê û diyar kiriye ku, parastina ewlekariya welatiyên Kurd erkê sereke yê Hikûmeta Îraqiye.