Peyvdarek ji “Artêşa Sûriya ya Azad” ragihand ku hêzên wan êriş birine ser balafirgeha Ming a leşkerî li nêzîk Helebê û di encamê de 10 leşkerê rejîmê kuştin û 3 helîkopter têkdan.

Peyvdarê ragihandina ketîbeyên “Azadîxwazên Bakur” Ebû Rewahe ji malpera al-Arabiya re daxuyand ku şeva borî, nêzîkî 400 leşker ji ketîbeya “Îbrahîm Henano” ya bi ser “Artêşa Azad” ve êriş birine ser balafirgeha Ming a leşkerî (7 km li nêzîk sinor Tirkiya).

Ebû Rewahe aşkere kir ku di encama êrişê de 10 leşkerên rejîmê hatine kuştin û 3 helîkopter jî hatine teqandin, her wiha 4 leşkerên wan jî hatine kuştin.

Çavkaniyê bal kişand ku yek ji wan helîkopteran bi rokêtekê hate teqandin û her duyên din bi rêya teqandina xezanên sûtemeniyê re teqiyan.

Ebû Rewahe got jî, “Piştî danûstanên digel hêzên rejîmê daku ji navçeyên derdora Helebe vekêşin, leşkerên me vekêşiyan.”