Bi amadebûna serokê herêma Kurdistanê Mesûd Barzanî dê bo yekemîn car di kongrêsa Amerîka de fîlmeke belegeyî (dokyumentarî) li ser Kurdan û prosesa Enfalkirina Kurdan bi destê rejîma berê ya Iraqê bi navnîşana ´´hemû dayikên min´´ bihê nimayişkirin.


Dê bo yekemîn car li kongrêsa Amerîkayê bi amadebûna serokê herêma Kurdistanê Mesûd Barzanî, Hejmarek kongrêsman û senatorên Amerîkayî û nûnerên çend dezgehên ragihandinê, fîlmek li ser Kurd û jenosîda Kurdan bihê nişayişkirin.

Fîlma ´´Hemû Dayikên Min´´ ji derhênana Zehawî Sencawî û Îbrahîm Seîdî ye ku basa Enfalkirina Kurd di serdemê desthilata rejîma Beis dike û jiyana niha ya qurbanîyên Enfalê dixe pêşberî bîneran.

Dê roja 5 Nîsanê roja pêncşembîyê ew fîlm bihê nimayişkirin û dê tê de kongrêsmanê Amerîkayî James Moran û serok Barzanî peyvekê di bareya Enfal û girîngîya dostatîya navbera Kurd û Amerîkayê pêşkêş bikin.


Rêkxirê bernemayea belavkirina ewê fîlmê, navenda Kurdî ya bo ferheng û têgihîjtina hevçerx e ku navendeke Kurdî ye û li Waşingtonê ye.