Weke tê zanîn duh 14ê Adarê 109mîn salvegera ji dayik bûna Rêberê Gelê Kurd û sembola Netewî ya Gelê Kurd Mistefa Barzaniyê Nemire lewre Kurdên her çarparçeyên Kurdistanê bi minasebeta pîroz kirina roja ji dayik bûna Mistefa Barzaniyê Nemir îro serî li Devera Barzanê dan û ev roja han li ser Mezara Nemiran bi bîranîn.

Tê zanîn ku, Rêberê Gelê Kurd Mistefa Barzaniyê Nemir di roja 14ê Adara sala 1903an li Barzanê ji dayik bû û tevahiya temenê xwe bo xizmet kirina Gelê xwe û xebat û têkoşîn feda kiribû û peymana 11ê Adarê ku, yekemîn peymana fermî ya pejrandina hebûna Gelê Kurde yek ji berhemên girîng yên xebata Barzaniyê Nemire.