Hat zanîna, şandeke Partiya Demokrat a Kurdistanê (PDK) bi serokatiya Cîgirê Serokê PDKê Nêçîrvan Barzanî dê îro serdana Yekgirtûya Îslamî ya Kurdistanê (YÎK) bike.

Berpirsê Civata Serkirdatiya YÎKê Mihemed Reûf ji AKnewsê re ragihand ku îro YÎKê û PDKê dê li avahiya Polîtburoya YÎKê bicivin.

Reûf daxuyand ku biryar e, îro, şandeke bilind a PDKê bi serokatiya Cîgirê Serokê PDKê Nêçîrvan Barzanî serdana Polîtburoya YÎKê bike û her du alî civînekê pêk bînin.

Piştî bûyerên navçeya Badînanê di 2yê kanûna borî de ku çend avahiyên YÎKê tê de hatine şewitandin, têkiliyên navbera YÎKê û PDKê ber bi aloziyê ve çûn û ev yekemîn civîne navbera her du aliyan de li ser vê astê dê bê sazkirin.