Heşt jinên kurd ên rojhilatê Kurdistanê, ji bo nûnertiya parêzgehên Kurdistanê bikin, xwe ji bo endamtiya Meclîsa Şûraya Îslamî ya Îranê namzet nîşan dan. Biryar e hilbijartin di nava 2 rojan de bê lidarxistin.

Li Rojhilata Kurdistanê, 250 kes ji bo 29 kursiyên parêzgehên rojhilatê Kurdistanê wek namzetê dikevin hilbijartinê û ji wan tenê 8 jin in. Jinan xwe ji parêzgehên Îlam, Kurdistanê û Kirmaşanê bo têketina hilbijartina nehemîn a Meclîsa Şûraya Îslamiya Îranê nîşan dan. Hate fêrbûn ku ji parêzgeha Ûrmiyeyê (Azerbaycana Xerbî) tu jinek wek namzetê nakeve hilbijartinê.

Di 8 hilbijartinên borî yên Parlamenoya Îranê de heta niha tenê 3 jin ji parêzgehên rojhilatê Kurdistanê hatin hilbijartin. Ji wan 8 hilbijartinan 2 hilbijartin ji hêla piraniya partiyên kurdan ve hatibû boykotkirin.

Hilbijartina nehemîn a Meclîsa Şûraya Îslamî ya Îranê ji hêla piraniya partiyên rojhilatê Kurdistanê ve tê boykotkirin.

Rudaw