Îro dê deng li ser budceya Iraqê bê dayîn
Arif Teyfûr ji AKnewsê re daxuyand ku duhî raporta dawî ya projeyasaya budceyê gihişte ber destê parlamenteran û qonaxên karkirina li ser projeyasayê bi dawî hatin.
Teyfûr ronî kir ku biryar e, îro, di rûniştineke asayî de projeyasaya budceya giştî têkeve dengdanê û bête pesendkirin.
Teyfûr amaje kir ku heta niha ti aliyekî nerazîbûna xwe li ser tevahiya budceyê bi taybet ê girêdayî bi kurdan ve, nîşan nedaye.
Li gorî raporta dawî, budceya giştî ya Iraqê ya sala 2012an, 117 trilyon dînarê iraqî ye û jê 12 trilyon û 600 milyar dînar para Herêma Kurdistanê ye.
AKnews
