Li herêma Musayîb a 60 kîlometre dikeve başûrê Bexdayê di encama êrişeke li dijî du birayên polîs de, 10 kesan jiyana xwe ji dest da. Hêzên polîsên Kerkûkê jî ragihandin ku di encama teqîna bombeyekê ya bi otomobîlekê ve, li başûrê Kerkûkê parêzvanekî endamê Lîsteya Dewleta Yasa hat kuştin û 2 kes jî bi giranî birîndar bûn.

Rayedarên polîsan diyar kirin ku li herêma Musayîb a 60 kîlometre dikeve başûrê Bexdayê ku piraniya wan Şîe lê dijîn, di encama êrişeke li dijî du birayên hev ên polîs, 10 kesan jiyana xwe ji dest dan. Polîsan diyar kirin ku li derdora xanî gelek bombe hatibûn bi cihkirin û dema bi şev teqiyan, xanî herifiye. Çavkaniyên nexweşxaneyê jî diyar kirin ku kesên mirî, herdu birayên hev ên polîs, hevser û 6 zarokên wan in.

Çavkaniyek ji polîsên Kerkûkê ji Rûdawê re got: “Şeva din (25.01.2012) bombeyek bi otomobîlekê ve teqiya û di encamê de parêzvanekî Endamê Lîsteya Dewleta Yasa Haçim el-Hesenî hat kuştin û yek jî bi giranî birîndar bû.”

Piştî polîs gihiştin cihê bûyerê, cenaze ji bo pijîjkê dadwer hat veguhestin û birîndar jî niha li nexweşxaneyê di bin çavdêriyê de ne.

Rudaw