Felah Mistefa Berpirsê peywendîyên derveyên hikumeta herêma kurdistanê, pêşwazîya Orhan Hîkmet Ezîz serokê civata zanîngehên nêvdewletî û şanda pêre kir ku ji nunerên zanîngeha kilturî ya Sitenbolê û zanîngeha Lahor ya Pakistanê û zanîngeha Edenîz û zanîngeha Qûbris ya nêvdewletî û zanîngeha rojhelata navîn û Lefekî ya Ewrûpî pêkhatibun.

Di hevdîtinekê de bihevre basê çewanîya avakirina peywendî û hemahengî yê dinavbera zanîngehên herêma kurdistanê û civata zanîngehên nêvdewletî kir.

Felah Mistefa şabuna xwe li hember vê serdanê dîyarkir û got:zanîngehên me jiber sîyseta rijêma berê li Îraqê, ji cîhanê qûtbune û berya 1992 tenê zanîngeha Selahedînê li herêmê hebu, lê niha hejmareke mezin ji zanîngehên fermî û Ehlî (serbexwe) avabune di encamê wê sîyseta hikumeta herêmê de ye ya ku di ware xwendin û perweryê de peyrew dike.

Herweha Felah Mistefa ronî xiste ser bernama karîn sazîya yak u hikumeta herêma kurdistanê cîbcî dike, ew jî şandina xwendevan û Memostaya jibo derveya welat bi merema bi destveanîna bawernamên bilind,got:peywendîya zanîngeha beşeke ji peywendîyên berfireh û em dixazîn mîna zanîngehên welatên Rojava , mifaa ji zanîngehên rojhelat û cîhana Îslamî jî wergirîn.hîvîdarîn hun bikaribin digel wezaretên havildar û zanîngehên herêmê havkarî û hemahengîyeke berdewam ava bikin.

Ji alîyê xwe ve Orhan Hîkmet armanca serdana xwe jibo herêma kurdistanê dîyar kir û ragihand : di kivana wê rewşa aram de li herêmê me dive hin pirojektên hevbeş û hevgora xwendevana û sazkirina konfiransên zanistî encamp bidîn.