Parêzgerê Duhokê Temer Remezan duhî pêşwaziya şandekê zanayên bira mesîhiyan bi serokatiya metiran Şilîmon Werdonî harîkarê patiriyakê kildana li Îraq û cîhanê kir.

Di hevdîtinekê da rewşa deverê û pêkve jiyana ol û neteweyan hate behiskirin, herwesa kar û pirojeyên hukmeta herêmê li sinorê parêzgehê bicih diket û aloziya vê dumahiyê ku ji sedema wê ziyan bi bira mesîhiyan keftîn û helwîstê serok Barzanî bo aramkirinê û rêgirtin li dubare nebûna wan bûyeran.

Harîkarê patiriyakî got: Kurdistan mala meye û cihê pêkvejiyana ol û neteweyaye û divêt em weku bira li vî welatî bijîn. ew bûyer jî bi cihê sersormanê wesfkirin.

Ji parêzgehê jî xwast pirojeyên xizmetkariyên ta niha negeheştîne hindek gund û deverên birayên mesîhî bihêne dabînkirin, da ew xelik pitir bi cihên xweve bihêne girêdan.

Parêzgarê Duhokê şadbûna xwe bi seredanê diyarkir û got: Duhok ji kevinda cihê pêkvejiyana hemû ol û netweyan bûye, çi hêzek neşêt vî kultorê jêkveket, kargêriya parêzgehê dê hemû bizavan girîte ber bo aramkirina deverê û parastina jiyana welatiyan û gehandina xizmetkariyan bê cudahî.

Rojnama war