Bi amadebûna Serok Barzanî bi fermî Konsolgeriya Filistînê li Herêma Kurdistanê hate vekirin
Li rêwresma ku li taxa Bextiyarî ya li bajarê Hewlêrê birêveçû, Kemal Kerkûkî Serokê Parlemen û Berhem Ehmed Saleh Serokê Hikûmeta Herêma Kurdistanê û hejmarek ji Wezîrên Hikûmeta Herêmê û Konsol û Nûnerên welatên dinê li Herêma Kurdistanê amadebûn.
Li destpêka rêwresmê da, birêz Mesûd Barzanî Serokê Herêma Kurdistanê li gotarek da ragihand "Îro rojekî dîrokiye li navbera her du gelên bira û zulmlêkiriyê Kurd û Filistîn, xweşhal bûm ku li vê helkefta pîroz da ya ji bo vekirina Konsolgeriya welatê Filistîn li paytexta Kurdistanê de beşdarim".
Serok Barzanî serdana Serokê Filistînê bi bîra amadevanan anî û got "Gelê Kurd serdana dîrokiya Mehmûd Ebas Serokê Filistînê bi bîr dihêne ku wekî yekem Serokê Welatekî Erebî serdana Herêma Kurdistanê kiribû. Bi vê serdanê ber bestekî zêde şikand û îro jî vê Konsolgeriyê vedikîn. Wekî berdewamiyek li berdewambûna pêwendiya dîrokiya di navbera me de".
Her wiha got "Dixwazim bi Nezmî Xuzurî re bibêjim hun li nav gelê xwe ne û birêz û teqdîrê ve rêz li we dihête girtin û ji bo vexwendina mina li vê rêwresma vekirina vê Konsolgeriyê spasiya we dikim".
Paşê Nezmî Xuzurî Konsolê Giştî yê Filistîn li gotarek da ragihand "Bi navê Serok û Hikûmet û Serkirdayetiya Filistînê spasguzariya xwe pêşkêşî Serokê Herêma Kurdistanê dikîn ku beşdarî li vê rêwresmê û bilindkirina alaya Filistînê de kiriye. Hun li serdema Selahedînê Eyubî û xebata rewaya gelê Filistînê de li gel mene".
Xuzurî ku heman demî de Balyozê Filistinê li Iraqe jî got: "Pêwendiya dîrokiya li navbera gelê Kurd û Filistînê de me bi pêkve dibestê. Em hewl didîn pêwendiyên di navbera her du gelê Filistîn û Kurd bihêztir bikîn.
Her wiha got:"Vekirina vê Konsolgeriyê balkişandina wê yekê ye ku em herdem li hewla bihêzkirin û pêşxistina pêwendiyên di navbera me dayîn".
Bi vekirina Konsolgeriya Filistînê heta niha 24 welatên cîhanê Konsolgerî û nivîsîngeha xwe li Herêma Kurdistanê de vekiriye.
