Duhî di preskonferansekî hevbeş ya di navbera Wezareta Pêşmerge û Asayîşa Kurdistanê de Emîndarê Wezareta Pêşmerge yê Hikûmeta Kurdistanê Cebar Yawer ragihand ku, di roja 4.9.2011an de Serokê Kurdistanê birêz Mesûd Barzanî biryara girtina ev Tawanbarên ku, ji aliyê Dadgehên Kurdistanê ve hatin xwestin lê serî li Dadgehê nedane da.

Piştî vê biryara han Wezareta Pêşmerge, Asayîş û Wezareta navxwe ya Hikûmeta Kurdistanê dest bi hewldanên hevbeş bo girtin û radest kirina wan Tawanbaran kirin.

Di vê derbarê de biryar hate dayîn daku, çendîn komîteyên taybetî werin damezrandin.

Çavkanî her weha eşkere kir ku, ev kesên ku, biryara girtina wan hatiye dayîn, ev kesin ku, ji aliyê Dadgehên Kurdistanê ve hatine xwestin lê serî li Dadgehê nedane.

Yawer her weha eşkere kir ku, ev kesên ku, daxwazkiriyan veşêrin û radestê Dadgehê nekin dibin hevparê Tawana wan û vê bi darê zorê Tawanbaran ji wan bistînin.

Çavkaniya han di berdewamiya axaftinên xwe de diyar kir ku, li Parêzgeha Hewlêrê 725 kes, li Silimaniyeyê 989, li Dihukê 428, li Devera Germiyanê 351 û li Devera Soranê jî 160 kes bi tawanên curbicur ji aliyê Dadgehên Kurdistanê ve hatine xwestin lê heta niha serî li Dadgehên Kurdistanê nedane.