Li paytexta Misrê Qahîreyê, duh welatên endamên yekitiya erebî, bi awayekî awarte li ser rewşa Sûriyê civiyan.

Li gorî nûçeyan, yektiya erebî di civîna xwe de, biryar da cezayên siyasî û aborî bi ser Sûriyê de bisepîne û endamtiya wê bide cemidandin.

Li gorî nûçeyê, serokwezîr û wezîrê derve yê Qeterê Hamad Bin Casim, ji welatên erebî xwest, balyozên xwe ji Şamê vekişînin.

Casim, ji Sûriyê xwest, êdî li dijî sivîlan tundiyê bi kar neyîne û ji partiyên dijbere yên Sûriyê jî xwest, civîn û karên xwe li navenda yekitiya erebî saz bikin û xwe bikin yek.