Duh bi mebesta beşdarî kirin di konferansa hevpeymanên demokratîk li Cîhanê de heyeteke Kurdistanî serdana Îtaliyayê kir û ji aliyê Serokê Parlementoya vê welatî ve hate pêşwazîkirin.

Piştî merasima pêşwaziyê Serokê Dîwana Serokatiya Kurdistanê Dr. Fuad Husên silav û rêzên Serokê Kurdistanê birêz Mesûd Barzanî pêşkêşî Serokê Parlementoya Îtaliyayê kir û hêviya serkeftinê ji bo konfernasa hevpeymanên demokratîk xwest ku, li Îtaliyayê îro hatiye lidarxistin.

Di berdewamiya hevdîtina han de Serokê parlementoya Îtaliyayê kêfxweşiya xwe û welatê xwe a li hember peyvendiyên bihêz yên di navbera Îtaliya û Kurdistanê de diyar kir û ragihand ku, pêwîste peyvendiyên han hîn bihêztir û berfiretir bibin.

Di berdewamiya vê hevdîtina han de rewşa Îraqê û Deverê jî hate nîqaşkirin û Serokê Parlementoya Îtaliyayê rola Kurdistan û Serokê Kurdistanê di warê çareser kirina kêşeyên heyî yên li Îraq û Deverê de bi roleke girîng û erênî wesif kir.