Serokê Herêma Kurdistanê ji aliyê Serokê Parlemena Belçîka ve hate pêşwazî kirin
Li hevdîtinê de Serokê Parlemena Belçîka xweşhaliya xwe bi serdana Serokê Herêma Kurdistanê û hevdîtina cenabê wî derbirî û rola birêz li pêvajoya siyasiya Iraqê û cîhgîrkirina bingehên demokrasiyê li Herêma Kurdistanê bi bandorî wesif kir û bilind nirxand.
Serokê Parlemena Belçîka bi girîngiyê ve behsa Herêma Kurdistanê û rol û pêgeha Herêmê li Iraq û navçeyê kir û ragihand, ku wekî Belçîka mebesta me ewe ji nêzîk ve bi Herêma Kurdistan û Iraq û navçeyê aşînabibîn û her wiha tekez li pêşxistina pêwendiya hemû aliyên li gel Herêma Kurdistanê kir û bi hengavekî girîng wesif kir.
Heman demî de pêşketin û pêkvejiyana birayane û olî û neteweyî û her wiha pêkvejiyana di navbera Kurd û Mesîhî ya li Herêma Kurdistanê bilind nirxand û her du alî tekez li ser danustandina bîrura û şiyana zanistî û zanyariya li navbera Herêma Kurdistan û Belçîka û zanîngehên Kurdistan û Belçîkayê kir.
Ji aliyê xwe ve Serok Barzanî pêvajo û pêşketinên Iraq û navçeyê bi giştî ronahî kir û behsa pêşketinên Herêma Kurdistanê yên li hemû waran de kir.
Sebaret bi guhertinên navçeyê jî Serok Barzanî da zanîn ku gelên Iraqê bi rûxandina sîstema dîktatoriyetê Iraqa nû damezrand û niha jî li ser arasteya cîhgîrkirina bingehên demokrasiyê de hengavan davêje.
Her wiha Serok Barzanî bi kurtî di derbarê pêşketina Herêma Kurdistanê û pêkvejiyana birayane û olî û neteweyiya li Kurdistanê de axaftinek pêşkêşî ji bo Serokê Parlemena Belçîka kir.
Li beşekî dinê hevdîtinê de sîstema federaliya li Iraq û welatê Belçîka şîrovekir û bîrûra jî di derbarê awayê pêşxistina wê sîstema li Iraqa Federal de hate axaftin.
