Li berdewamiya serdana xwe ya Tirkiyê de, îro 04.11.2011 birêz Mesûd Barzanî Serokê Herêma Kurdistanê li nivîsîngeha Komariyê ya Stenbolê, ji aliyê Abdullah Gul Serok Komarê Tirkiyê ve hate pêşwazî kirin.

Li vê hevdîtinê de her du Serok pêvajoya navçeyê û guhertinan nirxandin û sebaret bi Iraqê jî behsa ‌pêşketin û pêşketinên siyasî û pêvajoya demokrasiyê kirin û her wiha tekez li ser girîngiya serxistina pêvajoya demokrasiya li wî welatî kirin.

Her li vê hevdîtinê de pêwendiyên di navbera Herêma Kurdistan û Tirkiye û girîngiya pêşxistina van pêwendiyan û çareseriya her pirs û giriftek jî tekez li ser bingeha aştî û diyalogê kirin.