Serokatiya rêveberiya navenda karesat û rewşên lezgîn( AFAD)`ê li ser rewşa dawîn ya Wanê û qurbaniyên ji erdheja 7.2 rîşterî ya li wir rû daye, da zanîn ku 601 kes heta niha jiyana xwe ji dest dane û 188 kes ji bin kavilan de hatine rizgar kirin û her wiha 4152 kes jî niha di nexwşxaneyan de tên dermankirin.

Hêjayî gotinê ye ku egera dubarebûna erdhejê li wê deverê heye û tevî ku bi hezaran malbat li Wan û Erdişê ji mal û xaniyên xwe bûne û di wê sermaya zivîstanê de, li derve dijîn, dîsan jî metirsiya erdhejê hat ragehandin û gelê deverê di nîgeraniyaê de hêviya alikariyê ne.