Barzanî li Koyê banga piştgiriya reforman kir
Serokê Herêma Kurdistanê Mesûd Barzanî, îro serdana bajarokê Koyê yê ser bi Hewlêrê kir û li wir axaftinek pêşkêş kir.
Barzanî, di axaftina xwe de bi zindî li Kurdistanê TVê de hat weşandin, behsa daxwaziya hebûna rêveberiya serbixwe bo Koyê kir û got, ev daxwazî gihîştiye destê wî û dê vê yekê pêşkêşî serokwezîriya Herêma Kurdistanê bike.
Serok Barzanî, teqezî li ser reforman kir û bang li hemû kesî kir di proseya reformê de hevkarî bikin.
Serokê Herêma Kurdistanê, derbarê helwesta aliyên siyasî yên kurd derbarê arîşeyên hundir û derve de got, hemerengî û firehizbî pêwîst e, lê divê dema pirsa tenahiyê bê holê, divê hemû kurd bibin yek û helwestek hevbeş nîşan bidin û wiha pêde çû:
“Rast e, navbera Hewlêr û Bexdayê de arîşe û nakokî hene, lê ne zêde ne û mirov dikare bi diyalogê çareser bike. Helbet, divê hemû aliyên Iraqê bi destûrê ve girêdayî bin. Navê, sîstemek otokratîk li Iraqê pêk bê, divê bi awayekî beşdarker birêve biçe û rêkeftinên nehatine cîbicîkirin bên cîbicîkirin.”
Barzanî, derbarê hevsengî di nav artêşa Iraqê de jî got, hevsengî di nav artêşa Iraqê de girîng e û divê hemû pêkhateyên Iraqê beşdarî artêşê bibin û wiha axivî:
“Ez dikarim bêjim, êdî pirsa kurd paşde venagere û dê her ber bi pêş ve biçe.”
AKnews
