Bi mebesta piştevanîkirina xelkê Kerkûkê û xotir parastina navçeyên kurd li bajarê Kerkûkê, asayîşa Kerkûkê bi alîkariya polîsên Kerkûkê erkê parastina taxên kurdan li wî bajarî hilgirte ser milên xwe.

Derbarê vê mijarê Emîd Helkevt Ebdullah rêveberê asayîşa Kerkûkê got: “Di encama êrîşên terorîstî yên li taxên bajarê Kerkûkê ku niştecihên wan Kurd in gelek kes birîndar bûn û dehan xanî û dikanên ku xwedanên wan jî Kurd in, rûxiyan.”

Ebdullah herwiha ragihand ku wan wek hêzên asayîşa Kerkûkê bi hemahengiya li gel hêzên polîsên Kerkûkê û bi agahdarîkirina hêzên Emrîka biryar dane ku parastina wan taxan bigirin ser milê xwe û xelkê li hember hewlên terorîstan biparêzin.