Cîgirê Fermandarê Operasyonên Hevbeş a Hevpeymaniya Navdewletî ya li dijî DAIŞê ragihand, bi qurbanîdana Pêşmerge û Hêzên Sûriyeya Demokratîk (HSD) wan karî DAIŞê têk bişkînin.

Cîgirê Fermandarê Operasyonên Hevbeş a Hevpeymaniya Navdewletî General Kevin Copsey bi destbikarbûna wî re konferanseke rojnamevanî li Rimêlana rojavayê Kurdistanê li dar xist.

General Kevin Copsey di konferansê de ragihand, wan bi hevkariya Pêşmerge, HSD û hêzên Iraqê karên DAIŞê ji nav bibin û dawî li metirsiya wê rêxistina terorê li ser jiyana xelkê bînin.

Cîgirê Fermandarê Operasyonên Hevbeş a Hevpeymaniya Navdewletî got jî, ji bo peydakirina aramiyê li Sûriye û Iraqê, ew di piştevanîkirina Pêşmerge, HSD û hêzên Iraqê de berdewam bin.

Aşkere kir jî, wan zêdetir ji 120 hezar endamên hêzên ewlehiyê li Sûriye û Iraqê rahênan kirine, ji bo ji qonaxên piştî DAIŞê re amade bin.

Di konferansa rojnamevanî de Berdevkê Hêzên Hevpeyamniya Navneteweyî Wayne Marutto û Berdevkê HSDê Gabriyêl Kîno jî amade bûn.



K24