Mela Mistefa Mesûd Barzanî sebaret bi koça dawîn a Parêzgarê Hewlêrê Firset Sofî hevxemiya xwe ragehinad.

Parêzgarê Hewlêrê Firset Sofî piştî pêketina bi vîrûsa koronayê (Covid-19) îro koça dawî kir.

Peyama Barzanî wiha ye:

"Nûçeya koça dawîn a Parêzgarê Hewlêrê Dr. Firset Sofî gelek xembar kirim.

Lewma hevxemiya xwe û serxweşiyê pêşkêşî malbat û kesûkarên wî dikim. Ji Xwedayê mezin dixwazim ku canê wî bi bihûşta xwe şad bike."

Parêzgarê Hewlêrê Firset Sofî piştî pêketina bi vîrûsa koronayê (Covid-19) koça dawî kir.

Hewlêr ji sala 1923an ve bûye parêzgeh û Firset Sofî 41emîn parêzgar bû.

Firset Sofî kî ye?

- Di sala 1978an de li Çomanê jidayîk bû.

- Li ser yasayên navdewletî xwedî doktora bû.

- Mamosteyê Zanîngeha Hewlêrê yê Polateknîkê bû.

- Endamê gera çarem a Parlementoya Kurdistanê bû.

- Endamê Desteya Şêwirmendiya Yasayî yê Serokatiya Herêma Kurdistanê bû.

- Endamê Lijneya Nivîsandina Destûra Herêma Kurdistanê bû.

- Endamê Lijneya Bilind a Çaksaziyê bû.

- Serokê Lijneya Demkî ya Peyrewa Navxwe ya Parlementoya Kurdistanê bû.

- 41emîn Parêzgarê Hewlêrê bû.

K24