Îro Desteya Serokatiya Perlemana Kurdistanê û serokên firaksiyonan dicivin. Biryar e sibe tîmeke Hikûmeta Herêma Kurdistanê beşdarîyê di civîna Perlemanê de bike û belgeyên ku li gel Hikûmeta Iraqê îmze kirine nîşan bidin.

Peyamnêrê K24ê da zanîn, Civîna îro ya Serokatiya Perlemanê û serokê firaksiyonan weke amadekariyekê ji bo civîna sibe ye ku şanda Danûstandkar a Hikûmeta Herêmê bo Bexdayê di civên de beşdar dibe. Di civînê de şanda Danûstandkar a Hikûmeta Herêmê naveroka rêkeftinên li gel Hikûmeta Iraqê bi belgeyan pêşkêş dikin. Armanc jê ew e ku rastiyan ji Perlemanê û raya giştî re eşkere bike, li hember derbaskirina yasaya qerzê ya Iraqê ku bê îradeya kurd di Perlemana Iraqê de hatibû derbaskirin."

Peyamnêrê me diyar kir, " Agahî ew e ku civîna Perlemanê û şanda Danûstandkar pêk nayê, ji ber ku tê gotin, nêzîkbûn di navbera Hikûmeta Herêmê û Hikûmeta Bexdayê de heye ji bo guftûgoyê li ser çareserkirina pirsgirêkan bikin. Ji ber wê, heger civîna sibe pêk neyê, îro Desteya Serokatiya Perlemanê û serokên firaksiyonan necivin.

Ji destpêka destbikarbûna kabîneya nehem a Hukûmeta Herêma Kurdistanê ve, hevkarî û hevahengiyên zêdetir di navbera Hikûmet û Perlemanê de heye, ji bo ku di kar û çalakîyan de şefaf bin, çendîn caran jî tîma Hikûmetê hatiye Perlemana Kurdistanê û ji bilî civînên giştî, bi awayekî cuda jî li gel komîteyên Perlemanê kom bûne.