Endamekî serkirdetiya YNKê dibêje, madem PKK sûdê ji Herêma Kurdistanê dibîne bila rewşa wê aloz neke.

Endamê serkirdetiya YNKê, Hacî Mesîfî li ser hebûna PKKê li Herêma Kurdistanê ji BasNewsê re got, şerê kurd û kurd hatiye heramkirin. Ji ber ku şerê navxwe dibe sebeba malwêraniyê û aramiya Kurdistanê jî xirab dike, kirîzan kûrtir dike û bi dehan arîşeyên civakî bi xwe re tîne. Ji ber wê jî ya baştir ew e em li şûna şer, berê xwe bidin diyalog û danûstandinê.

Hacî Mesîfî her wiha got, PKK hêzeka kurdî ye û ez bi xwe jî hurmeta xebata wan digirim lê baştir e ew jî nerm bin û hikûmet û desthilata me qebûl bikin. Divê PKK qanûn û Destûra Herêma Kurdistanê qebûl bike û hurmeta wê bigire. Madem Sûdê ji Herêma Kurdistanê dibînin nabe ziyanê bigehînin wê.

Bi gotina wî serkirdeyê YNKê, şerê kurd û kurd ziyanê dide her kesî û tenê dijmin jê mifayê dibîne.

Basnews