Rêberê Komara Nagorno-Qerebaxê Arayik Harutyunyan ragihand; hêzên Azerbaycanê tenê 5 kîlometre dûrî bajarê Suşa ye, ku bajarekî girîng û dîrokî ye.

Arayik Harutyunyan eşkere kir ku artêşa Azerbaycanê dixwaze bajêr bi dest bixe û pêşveçûna xwe didomîne.

Harutyunyan li derveyî dêra dîrokî ya bajêr peyameke vîdeoyî tomar kir û bang li hemû Ermenan kir ku bajêr biparêzin.

Bajarê Suşa ku navê wî yê Ermenkî Şuşî ye û li navenda Nagorno-Qerebaxê ye, him ji bo Azeriyan û him jî ji bo Ermenan girîngiyeke wî ya dîrokî heye.

Di heman demê de bajarê Suşa ji aliyê stratejîk ve girîng e û li ser rêya Xankendî yê bajarê herî mezin ê Qerebaxê bi Ermenîstanê ve girê dide.

Eger Azerbaycan bajarê Suşayê bi dest bixe, ji destpêka şer û pevçûnên Qerebaxê ku roja 27ê Îlonê dest pê kiribû, dê serkeftina xwe ya herî girîng bi dest bixe.

K24