Menîca Encu ku 120 salî ye û li gundê Qirorê yê ser bi navçeya Qileban a Şirnexê dijî, bi rêya tedawiyê ji vîrûsa koronayê (Covid-19) rizgar bû.

Menîca Encu ku12 zarok û ji 100î zêdetir neviyên wê hene, 15 roj berê di testa vîrûsa koronayê de derket holê ku bi vîrûsê ketiye û li nexweşxaneyê dest bi tedawiya wê hat kirin.

Di encama tedawiya 15 rojan de Encu gihîşt siheta xwe û xebatkarên tenduristiyê bi çepikan ew oxir kirin.

Menîca Encu ji ajansa AAyê re diyar kiriye; ji ber ku baş bûye gelek kêfxweş e û gortiye: "Xwedê ji bijîşk û peristarên me razî be. Gelek baş li min mêze kirin. Heqê wan li ser min zehf e. Xwedê wan biparêze. Gelek westiyan û eleqedar bûn. Ez ji wan razî me Xwedê jî ji wan razî be."

Helîme Encu ku bûka Menîca Encu ye, diyar kiriye ku 15 roj berê hatine nexweşxaneyê û piştî tedawiyê xwesiya wê baş bûye û got: "Xwesiya min bi piranî xurekên sirûştî dixwar.”

Pispora Nexweşiyên Singê Dr. Bilim Kehya Akcan destnîşan kiriye ku tîmên mobîl 2 hefte berê çûne testa Menîca Encu kirine û paşê jî anîne nexweşxaneyê.

Dr. Bilim Kehya Akcan got ku nexweşa 120 salî bersiva erênî da dermankirinê û paşê jî şandin mala wê û jê re gotin divê ji vê şûnde baldar be.

K24