PKKê li gundekî bajarokê Pêncwên yê Herêma Kurdistanê 2 şivan xapandibû lê ji aliyê malbatên wan ve dîsa hatin vegerandin.

Endam û çekdarên PKKê li deverên mîna Raperîn, Pêncwên û cihên ku dikarin tê de bigerin, li ser xapandina zarok û keç û xortan berdewam in.

Çavkaniyekî haydar ji BasNewsê re ragihand, piştî ku çekdarên PKKê li Qendîl kêm bûne û beşek mezin ji wan jî di êriş û topbaranan de hatine kuştin, niha PKK hewl dide bi her awayekî be, xortan û zarokên xelkê bixapîne û derbasî Qendîl bike û çekdar bike.

Wî jêderî her wiha got, çend roj berê li gundekî bajarokê Pêncwên du şivan xapandibûn lê malbatên wan zû zanîn û vegerandin. Wan şivanan gotibûn ku çekdarên PKKê wêneyên keçikek bedew nîşanî wan dane û ew xapandine û birine Qendîl.

Bi gotina wî jêderî, beriya niha jî çekdarên PKKê gelek zarok û xort û keç bi behaneya semînar û festîval û tiştên wisa xapandibûn.

Basnews