Desteya Tendirustiyê ya Rêveberiya Xweser li Rojavayê Kurdistanê û bakurê Sûriyê ragihand ku, 173 bi coronayê ketine û 3 kesan jî canê xwe jidest dane.

Hevserokê Desteya Tendirustiyê li Rojavayê Kurdistanê û bakurê Sûriyê Ciwan Mistafa, di derbarê amarên nû de, dazanîn ku, kesên ku canê xwe jidest dane 2 zilamên ji Qamişlo û Dêrîkê ne û jinek ji Hesekê ye.

Mistafa herwiha diyar kir, pêketiyên nû, 90 kes jê mêr in û 83 jî jin in, û bi giştî pêktî 23 jê li Hesekê, 36 li Qamişlo, 39 li Dêrîkê, 12 li Girkê Legê, 7 li Amûdê, 8 li Dirbêsiyê, 3 li Çilaxayê, 5 li Kobanê, 36 li Tabqayê, 2 li Dêrezorê, 1 li Reqeyê û 1 jî li Şehbayê ye.

Mistafa amaje bi wê yekê jî kir ku, 7 pêketiyên berê jî ji wê vîrusê baş bûne.

Li gor amarên Desteya Tendirustiyê, heta niha li Rojavayê Kurdistanê, li navçeyên di jêr desthilata Rêveberiya Xweser de, 3 hezar û 798 kes bi Coronayê ketine û ji wê hêjmarê 112 kesan canê xwe jidest dane û 672 kes jî ji wê vîrosê başbûne.

Rudaw