Fermandeyê giştî yê Hêzên Sûriya Demokratîk (HSD) Mezlûm Ebdî dibêje, Rûsya wisa nîşan dide ku dixwaze wan û rêjîm Sûriyê li hev bîne lê di rastiyê de tiştekî wisa naxwaze!

Fermandeyê giştî yê HSDê, Mezlûm Ebdî ji kovara Amerîkî ya Foreigen Policy re gotiye, Rûsya dixwaze bi avakirina baregehan, cihê piyê xwe li Rojavayê Kurdistanê û Sûriyê qahîm bike lê ewê nekaribe di vî warî de serkeftî be.

Mezlûm Ebdî, aloziyên li Rojavayê Kurdistanê û bakûrê rojhilatê Sûriyê avêtiye stûyê Rûsyayê û gotiye, Rûsya wisa nîşan dide ku dixwaze wan û rêjîma Sûriyê li hev bîne lê di rastiyê de tiştekî wisa naxwaze!

Fermandeyê giştî yê HSDê daye xuyakirin ku ew hêza herî xurt in li herêmê û gotiye, ew dixwazin bibin beşek ji artêşa Sûriya pêşerojê, ne ya niha.

Basnews