Serokwezîrê Herêma Kurdistanê Mesrûr Barzanî pêşwazî li Cîgirê Alîkarê Wezîrê Derve yê Amerîka bo Karûbarên Iraqê David Copley kir.

Di hevdîtinê de ku Konsolê Giştî yê Amerîka li Hewlêrê Rob Waller beşdar bû, rewşa Iraq û navçeyê û girîngîpêdana zêdetir bi pêwendiyên Herêma Kurdistanê û Amerîka hatin guftûgokirin.

Cîgirê Alîkarê Wezîrê Derve yê Amerîka bo Karûbarên Iraqê amadehiya welatê xwe ji bo girîngîpêdana zêdetir bi pêwendiyên ligel Herêma Kurdistanê derbirî, bi taybet di warê bazirganî û handana kampanyayên Amerîka de ji bo weberhênanê zêdetir li Herêma Kurdistanê bikin, ku biryar e di meha bê de Konferanseke bazirganî ji bo vê mebestê bê lidarxistin. Got jî, derfeta mezin ji bo weberhênana Amerîkî li Iraq û Herêma Kurdistanê heye.

Serokwezîr Mesrûr Barzanî tekezî li wê kir ku yek ji karên pêşîne ya kabîneya nehem a Hikûmeta Herêma Kurdistanê, berfirehkirina aborî û girîngîpêdana zêdetir bi karta çandiniyê û parastina berhema nevxweyî ye û asankariyan ji weberhênerên biyanî û navxweyî re pêşkêş dikin.

Serokwezîrê Herêma Kurdistanê tekezî li girîngiya çareserkirina pirsgirêkên di navbera Herêma Kurdistanê û hikûmeta federal de kir ku faktereke girîng e ji bo aramiya rewşa Iraq û navçeyê.