Li Rojavayê Kurdistanê 48 kesên din bi Korona ketin
Desteya Tendirostiyê ya Rêveberiya Xweser ragihand; 48 kesên din bi vîrûsa koronayê (Covid-19) ketine û kesekî li Hesekê jiyana xwe ji dest daye û 5 kes jî baş bûne.
Hevserokê Desteya Tendirostiya Rêveberiya Xweser amarên 24 demjimêrên borî yên vîrûsa koronayê belav kir.
Dr. Ciwan Mistefa, Hevserokê Desteya Tenduristiya Rêveberiya Xweser ragihand; li Hesekê zilamekî ji ber vîrûsa koronayê canê xwe ji dest daye.
Mistefa eşkere kir ku 48 kes bi vîrûsa koronayê (Covid-19) ketine û ji wan 14 kes li Hesekê, 3 kes li Qamişlo, 4 kes li Girkê Legê, 3 kes li Dêrikê, 2 kes li Amûdê, 1 kes li Dirbêsiyê, 1 kes li Til Temir, 10 kes li Kobanî, 8 kes li Reqayê, 1 kes li Minbicê û 1 kes jî li Tebqayê.
Dr. Ciwan Mistefa eşkere kir ku di nav 24 demjimêran de 5 kes jî baş bûne.
Bi vî awayî, hejmara kesên li rojavayê Kurdistanê wek hilgirên vîrûsa koronayê hatine tomarkirin gihiştiye 1446 kesan, ji wan 402 kes baş bûne û 62 kesan jî jiyana xwe ji dest dane.
