Rûhanî: Amerîka zirarê dide deverê
Serokkomarê Îranê û wezîrê derve yê Îraqê civiyan.
Serokkomarê Îranê Hesen Rûhanî pêşwaziya wezîrê derve yê Îraqê Fûad Husên kir.
Di civînê de her du alî behsa têkiliyên navbera Îraq û Îranê û çend mijarên din yên rojeva deverê kirin.
Her di heman civînê de Hesen Rûhanî ji Fûad Husên re gotiye ku Îran ji hebûna Amerîka û hêzên leşkerî yên Amerîkayê li Îraqê dilgirane jiber ku Amerîka û hêzên Amerîkî zirarê didin deverê.
Di beşeke din ya civînê de her du alî daxwaz kirine daku tevahiya rêkeftinên navebra Îraq û Îranê yên ku beriya niha hatine îmzekirin gav bi gav werin cîhbicîhkirin.
