Li bajarê Hesekê yê Rojavayê Kurdistanê Meclisa Sûriya Demokratîk (MSD) forumek ji bo pêkhateyên navçeyê û kesayetiyên serbixwe lidar xist. MSDê di forumê de tekez kir, ku yekrêziya navmala kurdî beşeke ji yekrêziya mala Sûrî ye.

Li bajarê Hesekê Rojavayê Kurdiatanê MSDê, furmek bi beşdariya şêx û eşîrên Ereb û kesayetiyên serbixwe lidar xist ku têde 130 kes beşdar bûn. Şandeke Amerîkî jî ku ji 2 kesan pêk tê, di wê forumê de beşdar bû.

MSDê pêkhateyên din piştrast kir ku rêkeftina Kurdî-Kurdî bandoreke xirab li ser çarenivîsa wan nake û tekez kir ku yekrêziya navmala Kurdî beşeke ji sererastkirina mala sûrî ye.

Şêx û serok eşîretan daxwaza başkirin rewşa xelkê û peydakirin xizmet guzariyan kirin.

Berdevekî fermî bi navê Encûmena Qebîleya Cibûr li Sûriyê Turkî Elmendîl got: “Tiştê ku niha tê xwestin, beşdarîkirina rasteqîne ye, û nûneratiyeke rast û dirust be, pirsgirêkeke me ya din heye, kesên me yên girtî bên berdan, lêborîneke giştî , çareserkirina rewşa kampan , çareserkirina rewşa hûndirîn û xizmetguzarî, ev daxwaziyên giştî ne, ji bo tevaya gelin.”

Di wê formê de, ENKSê û çend partiyên din ên dervey wê beşdar nebûn ku ji aliyê MSDê ve hatibûn vexwendin.

Rudaw