Lihevhatina Îsraîl û Behrên bû sebeba hêrsbûna rêjîmîn Tirkiye û Îranê.

Serokê Amerîka Donald Trump duhî ragihand ku piştî Îmaratê, Behrênê jî biryar daye pêwendiyên xwe bi Îsraîl re normal bike.

Gelek welatên mîna Misr, Îmarat û Brîtanya piştevaniya wê yekê kirin lê mîna her car, Îran û Tirkiyê bi tundî dijberiya wê yekê kirin.

Wezareta derve ya Tirkiyê li ser wê yekê ragihand, Tirkiye hebûna pêwendiyên dîplomatîk di navbera Behrên û Îsraîlê qebûl nake ji ber ku ew li dijî armancên Filistînê ye, loma bi tundî şermezar dike!

Wezareta derve ya Îranê jî lihevhatina Behrên û Îsraîl şermezar kir û ragihand, ew karê ku Behrên dike rûreşî û xiyanet e li armanca Filistînê!

Meha borî Îmaratê biryar dabû pêwendiyên xwe bi Îsraîl re normal bike. Behrên duyemîn welatê erebî ye ku vê yekê dike.

Îran û Tirkiyê li hember wê biryara Îmaratê jî hêrs bibûn û bi tundî êrişî wî welatî kiribûn.

Dijîtiya Tirkiyê li hember hewlên wan welatên erebî di demekî de ye ku Enqere di hemû waran de pêwendiyên bihêz bi Îsraîlê re hene.

Basnews