Li Rojavayê Kurdistanê di nava rojekê de 36 kes bi Coronayê ketin û kesekî jî bi wê vîrusê canê xwe ji dest da.

Desteya Tendirustî ya Rêveberiya Xweser li Rojavayê Kurdistanê dawîn amarên taybet bi vîrusa Coronaya nû Covid-19 belav kirin.

Li gor amarên hatine belavkirin li deverên jêr desthilata Rêveberiya Xweser 36 kes bi Coronayê ketin ku li 12 li Dêrikê, 7 li Hesekê, 8 li Qamişlo, 1 li Girkê Legê, 2 li Amûdê, 2 li Reqayê, 1 li kobaniyê, 1 li Dêrezorê û 2 li Şehbayê bûne.

Herwiha di nava rojekê de 33 kes jî baş bûne û kesek jî bi wê vîrusê miriye ku li Girkê Legê bûye.

Li deverên jêr desthilata Rêveberiya Xweser heta niha 819 Kes bi Coronayê ketine û ji wê hejmarê jî 271 kes baş bûne û 43 kes jî mirine.

Rudaw