Li bajarokê Kanîreşê ser bi parêzgeha Çewlîgê ya Bakurê Kurdistanê erdhejek bi hêza 4.1 pile çêbû.

Serokatiya Rêveberiya Karesat û Rewşên Bilez (AFAD) ragihand ku erdhej şevê din demjimêr derdora 22.32 deqeyan bi hêza 4.1 û kurahiya 7 kîlometre li bajarokê Kanîreşê ser bi parêzgeha Çewligê ya Bakurê Kurdistanê çêbûye.

Li gor AFADê, piştî erdhejê ji aliyê welatiyan ve ti giliyek nehatiye kirin ku bibêjin zerar û ziyan gehiştiye wan, lê welatî hinekî tirsiyane û ji male xwe derketine.

Rêveberê Polîsên Şaredariya Kanîreşê Metin Bingol jî ragihand ku du erdhej çêbûne, yekem li gundê Şorikê û ya din li navenda qezayê.

Li gor Bingol, tiştekî cihê nîgeraniyê çênebûye, lê welatî tirsiyane û hêvî dike careke din tiştekî wiha neqewime.

Rudaw