Di Tîrmehê de li Sûriyeyê 231 kes hatine kuştin
Navenda Çavdêriya Mafên Mirovan a Sûriyeyê (SOHR) bîlançoya kiryarên tundiyê yên li Sûriyeyê ya meha Tîrmehê weşand û hat diyarkirin ku di encama tundî û kiryarên li herêmên cuda yên Sûriyeyê de, 231 kes hatine kuştin.
Ev kes di bûyerên sûcên şer, gulebarana ketober, teqîna bermahiyên şer, operasyonên tesfiyekirinê û îşkenceyê de hatine kuştin.
Ji kuştiyan 202 sivîl in ku 166 mêr û ciwan, 16 jin û 20 jî zarok in.
Navendê da zanîn ku bilindbûna asta kuştinê li herêmê rewşa ewlehiyê ya nebaş nîşan dide.
ANHA
