Donald Trump di çalakiyên 250 saliya serxwebûna Amerîkayê de li ser gelek mijaran, ji siyaseta derve heta koçberiyê, daxuyaniyên girîng dan.

Serokê Amerîkayê Donald Trump îdia kir ku Îran ji bo peymaneke siyasî ya bi Amerîkayê re "gelekî bi daxwaz e."

Donald Trump di axaftina xwe ya 250 saliya serxwebûna Amerîkayê de mizgîniya serdemeke nû da û diyar kir ku Amerîka ketiye qonaxeke nû û anî ziman:

"Serdema zêrîn a Amerîkayê dest pê kir û em hîn di destpêka vê rêyê de ne.

Ti welatan wekî Amerîkayê xizmeta mirovahiyê nekiriye."

Peyamên li ser Îran û Venezuelayê

Trump li ser gavên xwe yên di siyaseta derve de bal kişand ser Îranê û destnîşan kir ku Îran asê maye û got:

"Îran gelekî bi daxwaz e û ji bo gihîştina peymaneke siyasî ya bi me re hemû rêyan diceribîne."

Serokê Amerîkayê her wiha amaje bi êrişên li Îranê kir û ragihand ku wan "derbeyên gelekî giran" li Îranê xistine.

Trump dema behsa serkeftinên leşkerî dikir li ser mijara Venezuelayê jî axivî û li pey çû, "Me di nava rojekê de li Venezuelayê serkeftin bi dest xist."

Ji bo merasîmên şînê hefteyek dem

Yek ji beşên herî balkêş ên axaftina wî li ser dema ku dane Îranê bû.

Trump li ser aloziyên li herêmê agahiyeke nû parve kir û eşkere kir:

"Ji bo ku karibin merasîma veşartinê û rîtuelên şînê bi rê ve bibin, me hefteyek dem da Îranê."

Trump di siyaseta navxwe de zimanê xwe yê li dijî koçberan domand û pêla nû ya koçberên ku çûne Amerîkayê kir armanc.

Donald Trump diyar kir:

"Ev kesên ku nû hatine Amerîkayê, fikrên Komunîst bi xwe re tînin ku ev fikr bi temamî li dijî şêwazê jiyana me ne.

Ev raman li gorî pêkhateya civaka me nînin."